قال الفتى بن حسين يحي طول عمره في ضياع ( 3 \ لحن ثالت \ عزف منفرد ) ـ محمد ابو نصار

الوصف:

كلمات الشاعر الأديب / يحي حسين ـــــــــــــــــــــــــــــــــــــــــــــــــــــــــــ قال الفتى بن حسين يحي طول عمره في ضياع من حب له انسان دونه في المروّة والطباع حبيت يا اهل الحب قالوا ان في حبي جنان ناهي انا مجنون داويني إذا لك استطاع اسعى لفعل الخير والله ياحبيب المستعان من قد فعل مثلك تحاربني برغبة واندفاع ما بيننا قلي وما الداعي لهذا الامتحان انا بشر مثلك ولكنك تعلمت الخداع والله لولا الله والخوف الكبير من شي يبان لادعي عليك ظاهر دعا مظلوم ما يسقطش قاع انا بري يا ناس والمحبوب قاسي من زمان من يوم تعارفنا وهو يزعل عليا كل ساع لا شي سبب واضح يقلي والكلام هو شا يبان والصدق هو معروف والصدّاق في قوله شجاع ما فايدة في الكذب عاد الناس جمعة في الأمان داوي لنا المجنون لا هو صدق شي لك اطلاع اين الحلا واللطف اين العطف قلي والحنان ضاقت بي الدنيا ولا عندي وسايل للدفاع اهواك من قلبي وانت العكس من راس اللسان مقدر على هذا ولا عندي تحمل للصراع تشتوا كفيل ادّي انا عندي لكم شيخ الضمان حدد لنا موعد متى ترغب يكون الاجتماع قالوا رعاك الله لو تدي لنا مليون ضمان ولا لهذا كان هجرك او اردنا الانقطاع فقلت هذا جد منك او مجرد امتحان قالوا هو الواقع ويلزم يا عماد الاقتناع فقلت مابش باس شازيد انتظر وصلك ثمان ماشي قلبت الجرم وارجع للمشاكل والنزاع تحكم بقتلي انت شستأنف وشاقدم بيان ويحكموا بالحق من جا عنده الحكم استماع لكن بحجر الله يا محبوب لا هانا وكان ماشي معك مخرج ودهرك شايروح كله ضياع