ЖОГОРКУ КЕҢЕШТИН ИМАРАТЫН РЕКОНСТРУКЦИЯЛОО ИШТЕРИ ЖЫЙЫНТЫКТОО СТАДИЯСЫНДА

Жогорку Кеңештин имараттын реконструкциялоо иштери, өлкө башчысы Садыр Жапаровдун демилгеси менен, мамлекеттик маанилүү имараттарды жаңылоо боюнча жүргүзүлүүдө. Тарыхый баалуулугу жогору болгон «эски Ак үйдө» (азыркы Жогорку Кеңеш жайгашкан имарат) капиталдык оңдоо иштери аткарылды. Президенттин Иш башкаруучусу Каныбек Туманбаев реконструкциядан кийинки абалы менен таанышып чыкты. Иштер соңуна чыгып, жакынкы күндөрү пайдаланууга берилет. Имарат мезгил талабына жараша жаңыланып, тарыхый өңүн сактап, улуттук мурастын уландысы катары келечек муундарга кызмат кылууга багытталды.