نعم يحبني الحسين | محمد باقر الخاقاني

Açıklama:

نعم يحبني الحسين أداء: الملا #محمد_باقر_الخاقاني كلمات: الشاعر #الميرزا_عادل_أشكناني مجالس شهر محرم الحرام لسنة 1447 هـ - 2025 م ليالي العشرة الأولى من شهر المحرم عزاء حسينية غريب طوس عليه السلام - العراق - البصرة مونتاج وإخراج: مرتضى نبيل مكساج: أحمد البرمكي توزيع: شهاب الدین شوشتري مخطوطة: حيدر الزمان غلاف: علي الشبيب الترجمة الانجليزية: الأستاذ حسن القطري الترجمة الفارسي: سيد محمد رضا الحسيني إشراف عام: أحمد الخاقاني النشر الشبكي: علاء بركات العاملي للإستماع على المنصات الصوتية على الرابط التالي اللَّهُمَّ عَجِّلْ لِوَلِيِّكَ الفَرَجْ 00:00 المقدمة 00:49 نعم يحِبُنِـي الحُسين .. كيف لا؟ 01:45 ما اگول اشگد أحبّك وشكثر سِحْرَك جذبني 03:16 أحن إلك وإلي تحن 04:50 مصيبتك جمرة ويخوفي مْن اتّبع أهوائي تطفي 06:42 استغفارك لذنبي الحصل 08:43 إي نعم أدري تحبني محبَّة النور لشُعاعه 10:47 وهذا مثال اليجتهد للإستماع على المنصات الصوتية على الرابط التالي: جميع الحقوق محفوظة للقناة الرسمية للرادود الحسيني الملا محمد باقر الخاقاني على اليوتيوب @MajalesAlKhaqani *للتواصل مع الحسابات الرسمية للرادود الحسيني الملا محمد باقر الخاقاني:* *Youtube* : *facebook* : *instagram* : *telegram* : *Tiktok:* *WhatsApp channel:* #نعم_يحبني_الحسين نعم یحبنی الحسین محمدباقر الخاقاني ميرزا الميرزا عادل أشكناني اشكناني القصيدة مكتوبة كاملة ( نعم يحبّني الحسين ) ميرزا عادل أشكناني نعم يحِبُنِـي الحُسين .. كيف لا ؟ و أنا من فاضِل طِين .. كربلا ـــــــــــــــــــــــــــــــــــــــــــــــــــ ما اگول اشگد أحبّك و شكثر سِحْرَك جذبني هاي نعمة و هِبة مْن الله بيها أولاني و وهبني من أخذني موج وهمي بشاطي أمنك يا هو ذبني أدري مو كيفي من أجي لك لو ما إحسانك طلبني عندي سِر توني اكتشفته .. أوضح من الشمس شفته صح أَحبَّك لٰچن إنتَ .. يا حسين أكثر تحبني ! من هاي گلبي مطمئن شما فارگ الطیر الغصن بيه مرتبط تكوينه لابد تالي يرجع لأصله أحن إلك و إلي تحن أكثر من الأم عالإبن حتى مْن اصد وجهي تظل ترعاني يا وجه الله گلب البيه سهم .. اشگد بيه عطُف عليَّ ! و چفِّ الـ عالترب .. ياما لزم إديَّ و راس الـ عالرّمح .. يدير النظر إليَّ دومًا له عليَّ عين .. كيف لا ؟ و أنا من فاضِل طِين .. كربلا **** مصيبتك جمرة و يخوفي مْن اتّبع أهوائي تطفي حيث ما تفيد النّدامة من أعض عليك چفّي نيِّتي [ زُهـيـر ] أصيرَن مو [ عُبيْد اللهْ الْجُعفي ] من تدير عليَّ طرفك هم أدير عليك طرفي كون إلك گلبي یتحرَّك .. و امتثِل نهْيَك و أمرَك لشوكت يوسعني صدرك ؟ آنا أغلط و أنتَ تعفي بجهلي أظل و إنتَ تظل ما بين خوفي و الأمَل و حبّك إلي يخليني ويـ روحي أعيد حسابي استغفارك لذنبي الحصل يذبحني كون من الخجل و يصير جرحك جرحي و مصابك يصير مصابي تعطش عالنهر .. و آنا اهتني بشرابي ؟ واجب باللّطم .. يخلص إلك شبابي "حتى أنتـهي .. بغُصِّة إكتئابي" فكيف لا أبقى حَزين .. كيف لا ؟ و أنا من فاضِل طِين .. كربلا **** إي نعم أدري تحبني محبَّة النور لشُعاعه و الشُّعاع يظل شُعاع إن چان باقي بإتِّباعه جون عبد و صار سيَّد من أقر لك بالإطاعه و وصل توفيقه يموت و سيِّده يضمّه بذراعه يالسبيل الله سبيلك .. وين أكو سيَّد مثيلك العاصي بس خطوة يجيلك .. و إنتَ تضمن له الشّفاعة كون العبد فعلًا عبد ! و الطينة للطينة ترد و هاي العلاقة من الأزَل سر ما تفهمه الوادم و هذا مثال اليجتهد خدّك ذبل مثل الورد نوبة على خد الأكبر و نوبة على خد الخادم و خدَّك عالرّمل .. حـرِّ الشمس تحرگه تشبگ چم جسد .. و جسمك منو الـ يشبگه ؟ الـ بين أربع فرق ! .. من عنده شنهو يبگى لكربلا أبقى مَدين .. كيف لا ؟ و أنا من فاضِل طِين .. كربلا ــــــــــــــــــــــــــــــــــــــــــــــــــــــــــ