БАЗАР-КОРГОН: КАРАЧА АЙЫЛЫНДАГЫ ОКУУЧУЛАР ЖАҢЫ МЕКТЕПТҮҮ БОЛУШТУ

Эгемендүүлүктүн 34 жылдыгына карата ачылган социалдык объекттердин бири – Базар-Коргон районунун Карача айылындагы 225 орундуу жаңы мектеп. Жалпы аянты 1942,6 м² болгон билим ордосу 84 млн 491 миң сомго бааланып, республикалык бюджеттин эсебинен каржыланды. Эки кабаттуу имаратта окуу класстары, лабораториялар, компьютердик бөлмөлөр, ашкана жана китепкана бар. Жаңы билим жайы айыл тургундарынын көптөн күткөн кубанычы болуп, жаштар үчүн заманбап шартта билим алууга жол ачты.