Израилде Газадагы согушка каршылык күчөп баратат - BBC Kyrgyz

Ал эми Израилде Газадагы согушка каршылык күчөп баратат. Соңку апталарда, армиянын бардык бутактарынан миңдеген резервисттер Израилден согушту токтотууну талап кылып, анын ордуна Хамастын барымтасында калган адамдарды кайтаруу боюнча келишим түзүү керектигин айтышты. Алар бул боюнча каттарга кол коюшту. Израилдин премьер-министри Беньямин Нетаньяхунун өкмөтү, барымтадагыларды үйлөрүнө кайтаруу үчүн аскерий кысым гана зарыл деп айтты. Кабарчыбыз Пол Адамс соңку нааразылык акцияларына катышкандардын айрымдары менен жолукту.