Islom Karimov hayotidan noyob kadrlar

O‘zbekistonning birinchi prezidenti Islom Karimov 1938-yil 30-yanvarda Samarqandda tug‘ilib, O‘rta Osiyo Politexnika va Toshkent Xalq xo‘jaligi institutlarini tamomlagan. U O‘zbekiston SSR Moliya ministri, Ministrlar soveti raisi o‘rinbosari, Davlat plan komiteti raisi va Qashqadaryo viloyat kompartiyasi birinchi kotibi lavozimlarida ishlagan. 1989-yil iyunda O‘zbekiston Kompartiyasi Markaziy komitetining birinchi kotibi etib tayinlangan, 1990-yil 24-martda Oliy Kengash sessiyasida O‘zbekiston SSR prezidenti saylangan. 1990-yil 20-iyunda O'zbekiston suvereniteti to'g'risida deklaratsiya qabul qilinib, 1991-yil 31-avgustda O‘zbekiston Respublikasining mustaqilligi e'lon qilinib, Karimov mustaqil O‘zbekistonning ilk prezidenti bo‘lib saylangan. U 25 yil davomida mamlakatni boshqargan, 1991, 2000, 2007 va 2015 yillarda davlat rahbari etib saylangan, 1995 va 2002 yillarda umumxalq referendumi orqali prezidentlik vakolati muddati uzaytirilgan. 2016-yil 2-sentyabrda 78 yoshida insult oqibatida vafot etgan. Hozirda uning rafiqasi Tatyana Karimova va qizi Lola Karimova‑Tillayeva uning xotirasini abadiylashtirish bilan shug‘ullanadi, Karimov fondi yoshlarni qo‘llab-quvvatlash va O‘zbekiston tarixiy merosini saqlab qolish bilan shug‘ullanadi. Oqsaroy hozirda memorial majmuaga aylantirilgan.